A Xunta pon ao dispor das empresas e autónomos un programa formativo (online) gratuíto de apoio á internacionalización empresarial a través de medios dixitais.
A pandemia da COVID-19 transformou de forma imprevista o escenario económico global. Esta situación obrigou a moitas empresas a cambiar a súa planificación deste 2020, así como as súas estratexias de internacionalización.
O programa permitirá mellorar as capacidades dos responsables de internacionalización das pemes galegas, ofrecéndolles non só acceso a formación sobre procesos de internacionalización dixitais, senón tamén accedendo a unha rede de contactos de profesionais de diferentes países de alto valor.
